Promöie le sport por la jonëza: Scomenciada “Sport & Nature”

Ala scomenciadia „Sport & Nature” organisada dales trëi Intendënzes scolastiches adöm ales assoziaziuns sportives á tut pert inier (21 de otober) n gröm de scolares y scolars.

Na seria de scolares y scolars dla secunda classa dles scores mesanes dla Provinia á tut pert inier, jöbia ai 21 de otober, ala scomenciadia “Sport & Nature” söi prá dl Talvera a Balsan. Les scolares y i scolars se á mosoré te de plü disciplines sportives, sciöche por ejëmpl hockey, volley mo ince disciplines nöies sciöche vortex, tchoukall y street racket. Les jones y i jogn á ince porvé fora formes de sport desvalies sciöche por ejëmpl biathlon, mountain bike, orienteering, parkour ultimate frisbee y slackline.

Un di obietifs dla scomenciadia é chël da promöie le sport y da motivé indô les scolares y i scolars da fá sport, sciöche ince la coordinadëssa de “Sport & Nature” Cristina Sartori dl Departimënt Scora taliana á sotligné. Por Astrid Ferrari dl Departimënt Scora todëscia é chësta iniziativa importanta por porvé fora ince disciplines sportives nia tan conesciüdes.

Partezipaziun de 1.600 scolares y scolars

La scomenciadia é gnüda organisada en colaboraziun cun les rapresentantes y i rapresentanc dles assoziaziuns sportives dl Südtirol. “I un organisé chësc proiet por ti mostré ales scolares y ai scolars na seria de disciplines sportives y ince por mostré che düc y dötes fej pert de na scuadra”, á dit Lorenz Clara dl Sorvisc Sport scolastich dl ‘Intendënza ladina.

La scomenciadia da inier é stada la terza do chëres organisades a Porsenú ai 13 de otober y a Maran ai 19 de otober. Ai 20 de setëmber él ince sté scolares y scolars dla cuinta classa dles scores elementares y dla pröma mesana che á tut pert al proiet “Döta la classa salta”. Indöt á tut pert ala scomenciadies de promoziun dl sport 1.600 scolares y scolars.